OQO-da tártip saqshylary 78 jeńil júristini esepke aldy
ShYMKENT. QazAqparat - Ońtústik Qazaqstan oblysynda tártip saqshylary «Prıton» jedel aldyn alý sharasy kezinde jeńgetaılyqpen aınalysqan 21 derekti anyqtap, jeńil júristi 78 áıeldi esepke aldy, dep habarlaıdy QazAqparat HAA tilshisi.
Reıdtik shara kezinde polıtseıler qaladaǵy saýnalardyń birinen tutynýshylarǵa ıntımdi qyzmet kórsetý úshin 5 myń teńge kóleminde syıaqy alatyn jeńgetaıdy anyqtady. Ol atalǵan saýnanyń ákimshisi bolyp jumys istep júrgen.
Úshkúndik profılaktıkalyq shara barysynda osy tektes 21 qylmys anyqtalyp, jeńil júriske salynǵan 78 áıel ishki ister organdarynyń esebine alyndy. Jeńgetaılardyń barlyǵyna qatysty qylmystyq iz qozǵalyp, sotqa deıingi tergeý amaldary júrgizilýde.
Aıta keteıik, jyl basynan beri jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq boıynsha 59 qylmys tirkelgen.
