OQO-da tarıhı-tanymdyq 10 serııaly kınonyń tusaýy kesildi

ASTANA. QazAqparat - «SAQ» kınostýdııasy túsirgen «Kóne jetigenniń syry» atty 10 serııaly tarıhı-tanymdyq kınohıkaıanyń tusaýkeseri búgin «Shymkent plaza» oıyn-saýyq saýda ortalyǵynda ótti., dep habarlaıdy QazAqparat oblys ákiminiń baspasóz qyzmetine silteme jasap.

Elbasynyń «Bolashaqqa baǵdar: rýhanı jańǵyrý» maqalasynda kórsetilgen basymdyqtar boıynsha oblys ákimi Janseıit Túımebaevtyń bastamasymen «Qajymuqan», «Otyrardy qorǵaý», «Kıeli Qazyǵurt» atty úsh anımatsııalyq fılm men «Kóne jetigenniń syry» atty 10 serııaly telehıkaıa túsirildi.

Fılmniń kórsetilimine «Qazaqfılm» kınostýdııasynyń jáne «Qazaqstan anımatorlar» qaýymdastyǵynyń ókili, oblystaǵy zııaly qaýym ókilderi men BAQ ókilderi  jáne shyǵarmashylyq top qatysty.

Ońtústik Qazaqstan oblysynyń ımıdjin kóterip, tarıhyn jańǵyrtyp, týrızmin damytýǵa baǵyttalǵan «Kóne jetiginniń syry» atty 10 serııaly kınojobasy respýblıkalyq arnalardan kórsetiletin bolady.

Fılmniń basty maqsaty - óńirdegi Túrkistan, Arystan bab, Otyrar, Saýran, Saıram sekildi kóne jerler men Aqsý-Jabaǵyly qoryǵy, Qazyǵurt taýy, Ógem tabıǵı qoryǵy sekildi tabıǵaty ásem jerlerdi kórsetip, rýhymyzdy jańǵyrtý, tarıhty uǵyndyrý arqyly eljandylyqqa tárbıeleý jáne óńirdiń týrızm salasyn damytý.

Eske sala keteıik, «EKSPO-2017» Halyqaralyq mamandandyrylǵan kórmesi kezinde ótken Ońtústik Qazaqstan oblysynyń Astana qalasyndaǵy kúnderi aıasynda qazaqtyń namysyn, rýhyn jáne qara kúshin búkil álemge tanytqan Qajymuqan atamyzdyń ómirine arnalǵan «Kúsh atasy - Qajymuqan» anımatsııalyq fılminiń tusaýy kesilgen bolatyn. Al, «Otyrardy qorǵaý» anımatsııalyq fılminiń prezentatsııasy keler jyldyń basynda ótedi depı josparlanýda.