OQO-da tárbıe isi jónindegi pedagogtar bas qosty
ShYMKENT. QazAqparat - Ońtústik Qazaqstan oblysy Báıdibek aýdanynda «Mektep - jarqyn bolashaqtyń aınasy, shákirt - keleshektiń tutqasy» taqyrybynda mektep dırektorlarynyń tárbıe isi jónindegi orynbasarlarynyń aýdandyq ádistemelik semınary ótti, dep habarlaıdy aýdan ákimdiginiń baspasóz qyzmeti.
Aǵartýshynyń atyndaǵy orta mektepte Y.Altynsarınniń 175 jyldyǵyna oraı «Mektep - jarqyn bolashaqtyń aınasy, shákirt - keleshektiń tutqasy» taqyrybynda mektep dırektorlarynyń tárbıe isi jónindegi orynbasarlarynyń aýdandyq ádistemelik semınary ótti.
Semınardyń maqsaty uly aǵartýshy - Y.Altynsarınniń 175 jyldyǵy, ulylar ulaǵatyn úlgi etken, bilikti ustazdar men bilimdi oqýshylar Ybyraı álemin asqaqtatyp, shyǵarmalaryn taldap, óleńderin oqýǵa jáne táýelsizdigimizdiń 25 jyldyǵy aıasynda tarıhı bilimderin tolyqtyrýǵa, otansúıgishtik qasıetterin qalyptastyrýǵa negizdelgen. Semınar maqsatyna sáıkes baǵdarlama túzilip, «Erkindigim-eldigim, Táýelsizdik-teńdigim», «Kel, balalar oqylyq!», «Táýelsizdik - teńdesi joq baılyǵym!», «Balalar - ádebıetiniń atasy» taqyryptarynda ashyq tárbıe saǵattary ótkizilip, sabaqtar barysynda Y.Altynsarınniń ómir jolyna sholý jasalyp, shyǵarmalary men aýdarmalarynan kórinister kórsetildi.
Qazaqstan Respýblıkasy Táýelsizdiginiń mánin tereńirek ashyp kórsetý maqsatynda «Táýelsizdik-tuǵyrym» atty beıneorolık kórsetildi. Semınar sońy «Muǵalim isi- tarıhtaǵy eń uly istiń biri» atty merekelik is-sharaǵa ulasty.
