OQO-da tanysyn óltirip, máıitin órtep jibergen turǵyn sottaldy
ShYMKENT. QazAqparat - Ońtústik Qazaqstan oblysynda 5,8 mln teńge úshin tanysyn óltirip, máıitin órtep jibergen turǵyn sottaldy. Oblystyq qylmystyq ister jónindegi mamandandyrylǵan aýdanaralyq soty aýyr qylmys jasaǵan aıyptalýshyny 20 jyl merzimge bas bostandyǵynan aıyrdy, dep habarlaıdy QazAqparat tilshisi.
Sot talqylaýynda anyqtalǵandaı, aıyptalýshy óziniń buryn sottalǵan sybaılasymen aldyn ala sóz baılasqan. Sóıtip, júk kóligin satyp almaqshy bolǵan tanysyn aldap, Qarabulaq aýylynyń mańyna shaqyryp alady. Óziniń jeńil avtokóligimen qala syrtyna kelgen jábirlenýshini moınynan qylqyndyryp óltirip, máıitti avtokólikpen birge órtep jibergen. Odan 5 mln 800 myń teńgesin qaraqshylyq jasaý arqyly ıemdenip alǵan. Keıinnen tergeý sharalary barysynda osy qylmysqa qatysy bar degen kúdikpen aıyptalýshy S ustaldy. Al, onyń sybaılasy áli kúnge izdeýde júr.
Sot barysynda aıyptalýshy S. Qylmystyq kodekstiń 99-baby 2-bóliginiń 7,8-tarmaqtarymen («Adam óltirý») , 192-baby 4-bóliginiń 2-tarmaǵymen («Qaraqshylyq») jáne 202-babynyń 2-bóliginiń 1-tarmaǵymen («Bótenniń múlkin qasaqana joıý nemese búldirý») kináli dep tanylyp, oǵan tótenshe qaýipsiz mekemesinde jazasyn óteý belgilendi.
