OQO-da taǵy bir taý shańǵysy bazasy salynady
ShYMKENT. QazAqparat - Ońtústik Qazaqstan oblysynda taǵy bir taý shańǵy bazasy salynady. Demalys aımaǵy tabıǵaty tamasha Tóle bı aýdanynda boı kóteredi. Bul týraly Tóle bı aýdanynyń ákimi Buqarbaı Parmanov málimdedi, dep habarlaıdy QazAqparat.
Aýdan ákiminiń aıtýynsha, osy baza arqyly jyl boıy aı tabys tabýǵa bolady. «Toǵys taý» shańǵy bazasynyń jalpy uzyndyǵy 8 shaqyrymǵa sozylady. Shatqaldyń ishinen aspaly jol salynady. Jobanyń quny 5 mlrd teńge. Ony jeke kásipker óz qarjysyna turǵyzady dep josparlanyp otyr», - deıdi B.Parmanov.
El quptarlyq bastamany iske asyrý jumystary álden bastalyp ketken. Bıyl osy maqsatta qajetti qarjy kózderin qarastyrý josparlanyp otyr. Atap aıtqanda, jol qurylysyna 400 mln, elektr energııasyna 300 mln teńge jumsalady. Sondaı-aq aýyl sharýashylyq, kásipkerlik pen týrızm salasy da qanatyn keńge jaıa bastaıdy. Ári aýdannyń negizgi tabys kózine aınalady. Jalpy, Tóle bı aýdany týrızm salasyna óte qolaıly jer. Munda qysqy sporttyń birneshe túrinen saıys ótkizýge bolady. Al, jazǵy kezde taza aýaǵa shyǵyp serýendeýge taptyrmas meken.
Almas Sultan
