OQO-da synaq retinde gıbrıdtik júgeri sorty egiledi
ASTANA. QazAqparat - Ońtústik Qazaqstan oblysynda Otyrar jáne Saryaǵash aýdandarynda «Shymkent» Áleýmettik kásipkerlik korporatsııasynyń bastamasymen «Zamanaýı tehnologııa boıynsha júgeri ósirý» atty semınar-keńes ótti. Sharaǵa aýdan ákimdikteri men 100-ge tarta iri sharýa qojalyqtarynyń basshylary qatysty, dep habarlaıdy QazAqparat.
Semınar barysynda fermerlerge reseılik «Kýban» agroholdıngi men qazaqstandyq «Agroımpeks» JShS-niń mamandary «Ladojskıı» gıbrıdtik júgeri sortynyń artyqshylyqtary týraly aqyl-keńesterin berdi. Sondaı-aq olar «Ladojskıı» gıbrıdtik júgeri sortyn eksperıment retinde eki aýdanda 3 gektar alqapqa egip kórý máselesin kóterdi.
Mamandardyń aıtýynsha, Ońtústik Qazaqstan oblysynyń klımaty bul júgeri sortyn egýge óte qolaıly. Eń bastysy, atalǵan astyq júgerini mal jáne qus sharýashylyǵyna qurama jem retinde paıdalýǵa bolady. Qajetti tehnologııalardy tolyq saqtaǵan jaǵdaıda bul júgeri sortynyń bir gektarynan 10-12 tonna ónim alýǵa múmkindik bar. Máselen naýryz aıynda egilgen daqyl túri jazdyń sońyna qaraı ónim bere bastaıdy. ıAǵnı shamamen 98 kúnde pisip jetiledi. Júgeri sortynyń eń basty qundylyǵy - qurǵaqshylyqqa, aýrýlar men zııankesterge tózimdi keledi. «Ladojskıı» gıbrıdtik júgeri sorttyn sharýalar «Agroımpeks» JShS-niń qoımalarynan satyp alýyna bolady.
