OQO-da sybaılas jemqorlyqtyń aldyn alý biryńǵaı saǵaty ótti
ShYMKENT. QazAqparat - Ońtústik Qazaqstan oblysynda «Jemqorlyqpen kúres jáne zańnyń ústemdigi - Joldaýdyń basym baǵyty» atty sybaılas jemqorlyqtyń aldyn alý biryńǵaı saǵaty ótti. Sharaǵa QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departamenti men Sybaılas jemqorlyqqa qarsy is-qımyl ulttyq bıýrosy muryndyq boldy, dep habarlaıdy QazAqparat tilshisi.
Qoǵamda sybaılas jemqorlyqqa qarsy mádenıetti qalyptastyryp, azamattardyń quqyqtyq saýattylyǵyn arttyrý maqsatynda uıymdastyrylǵan sharada qos mekemeniń qyzmetkerleri Elbasy qoıǵan mindetterdi júzege asyrý máselesin talqylady. Ásirese, sybaılas jemqorlyqtyń aldyn alýda barlyq múmkindikterdi paıdalana otyryp, birge jumys júrgizý joldary aıtyldy.
«Elbasy N.Á.Nazarbaevtyń bıylǵy Qazaqstan halqyna arnaǵan «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýynyń toǵyzynshy baǵytynda jemqorlyqpen kúres jáne zańnyń ústemdigin qamtamasyz etýdiń mańyzdylyǵy aıtyldy. Osyǵan oraı qos mekeme birlese yntymaqtastyqty keńeıte otyryp birińǵaı saǵat ótkizýdi uıǵardyq», - dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departamentiniń basshysy Əlı Kómekbaev.
Aıta keteıik, atalǵan shara oblystyń barlyq memlekettik organdary men mekemelerinde, quqyq qorǵaý organdarynda, qala, aýdan ákimi apparattarynda, ÚEU men qoǵamdyq birlestikterde, etnomádenı jáne dinı, bilim berý uıymdarynda ótkizildi.
