OQO-da sýǵa batqan jigitti qutqarýshylar men týystary bir jarym aıdan beri tappaı jatyr
ShYMKENT. QazAqparat - Ońtústik Qazaqstan oblysynda sýǵa batqan jigitti qutqarýshylar bir jarym aıdan beri tappaı jatyr. Kóksaraı aýylynyń 23 jastaǵy turǵyny 21 shilde kúni Syrdarııa ózenine túsip ketken, dep habarlaıdy «QazAqparat» HAA tilshisi.
Jas jigitti izdeýge qutqarýshylar úsh ret kelip ketipti. Biraq bári nátıjesiz bolǵan. Bir jarym aı ishinde súńgýirler ózenniń ondaǵan shaqyrymdaı jerin qarap shyqqan. Sýdyń betin de qaıyqpen izdegen. Olar taba almaǵan soń qazir joǵalǵan turǵynnyń týystary men tanystary, aýyl adamdary men Otyrar aýdandyq ІІB qyzmetkerleri izdeýge kiristi. Biraq jigittiń denesi tabylatyn túri joq. Qutqarýshylar bolsa araǵa biraz ýaqyt salyp taǵy qarap shyǵamyz dep otyr.
