OQO-da sý qubyrlaryn tartýǵa qomaqty qarjy bólindi
ShYMKENT. QazAqparat - Ońtústik Qazaqstan oblysynyń Sozaq aýdanynda eldi mekenderge sý qubyrlaryn tartýǵa 399 mln teńge bólindi, dep habarlaıdy QazAqparat tilshisi.
Bul qarajatqa 5 aýyldyń turǵyndary taza aýyzsýmen qamtamasyz etiletin bolady. Óńirlik kommýnıkatsııalar qyzmetinde ótken brıfıngte atalǵan aýdannyń ákimi Salyhan Polatov Elbasynyń bes áleýmettik bastamasy negizinde atqarylyp jatqan jumystar barysyn baıandady.
Ákimniń sózine qaraǵanda, aýdandaǵy 35 eldi mekenniń 23-ine aýyzsý qubyry tartylǵan. Qazir sonyń 16-syna sý úzdiksiz, 24 saǵat boıy beriledi. Qalǵan 7 aýyldyń turǵyndary tirshilik nárin belgili bir ýaqytpen tutynady. Budan bólek aýdanda kógildir otynǵa qol jetkizý úshin tıisti jumystar júrgizile bastaǵan. Kásipkerler qatary da kóbeıip, olarǵa barynsha qoldaý kórsetilýde eken.
«Ońtústiktegi ındýstrııaldy aımaqta byltyr 5 joba iske qosyldy. 917 mln teńgeniń ónimi óndirilip, bıýdjet búıiri tompaıdy. Sol arqyly eki qolǵa bir kúrek tappaı júrgen talaı jan turaqty jumys tapty. Elbasynyń bes áleýmettik bastamasy negizinde bıyl turǵyn úı qurylysy júrgiziledi. Sholaqqorǵan aýylynan 10 páterli 2 turǵyn úıdiń, Sozaq aýylynan 10 páterli 1 turǵyn úıdiń qurylys jumystary bastalady. Aýdan ortalyǵynda eki qabatty 14 úıdiń qurylysyn júrgizýge jobalyq smetalyq qujattamasy daıyndalyp, memlekettik saraptama qortyndysyn alý jumystary qolǵa alynǵan»,- dedi Salyhan Polatov.
Aýdan basshysynyń aıtýynsha, ótken jyly Sozaqta 235 oryndyq úsh balabaqsha ashylǵan. Bıyl «Balapan» memlekettik baǵdarlamasy boıynsha 3-6 jas aralyǵyndaǵy balalardy balabaqshamen qamtýdy 90,1 paıyzǵa jetetin bolady. Sondaı-aq, Astananyń 20, aýdannyń 90 jyldyǵyna oraı Qaraǵur, Jartytóbe aýylynda saıabaq salynady.
«Aýdandaǵy qurylys salasy boıynsha búgingi tańda Sholaqqorǵan aýylyndaǵy «Táýelsizdik» alańynyń qurylysy aıaqtaldy. Sholaqqorǵan aýylynda S.Qojanov murajaıynyń qurylysy bastaldy. Baldysý eldi mekenindegi J.Jabaev atyndaǵy orta mektebiniń, Qumkent aýyldyq okrýgindegi sport ǵımaratynyń, qatty turmystyq qaldyqtar tastaıtyn polıgonnyń qurylys jumystary júrgizilip jatyr. Sondaı-aq, bıyl demeýshiler esebinen birneshe eldi mekende 10 fýtbol alańyn jáne 2 balalar oıyn alańshasyn salý josparlanyp otyr», - dedi Salyhan Sabyruly.
Al, avtomobıl joldaryn jóndeý boıynsha qazirgi tańda Sholaqqorǵan aýylyndaǵy 7,1 shaqyrymdyq Túrkistan-Sozaq avtomobıl jolynyń jumystary aıaqtalǵan. Budan ózge, bıyl aýdandyq mańyzy bar 5 shaqyrymdyq Qarabulaq-Baldysý avtomobıl joly bıyl paıdalanýǵa beriledi dep josparlanǵan.
