OQO-da stýdentter birin-biri pyshaqtady
ShYMKENT. QazAqparat - Ońtústik Qazaqstan oblysynda kolledj stýdentteri birin-biri pyshaqtady. Jaraqat alǵan 17 jastaǵy eki jasóspirim aýrýhananyń jansaqtaý bólimine tústi, dep habarlaıdy QazAqparat tilshisi.
Oqıǵa Ordabasy aýdanyna qarasty Birlik aýylynda bolǵan. Aýyl turǵyndarynyń aıtýynsha, tóbeles eldi meken ortalyǵynda Naýryz merekesi toılanyp jatqanda oryn alǵan. Kórshi Jambyl aýylynyń jigitteri úsh kólikpen kelip, qatarlastaryna qoqan-loqy kórsetken. Eregistiń sońy tóbeleske ulasyp, pyshaqtasýǵa deıin barǵan. Anyqtalǵandaı, jastardyń barlyǵy kolledj stýdentteri.
Kúdiktilerdiń biri altybaqan teýip turǵan Júzjan Nuráli esimdi jigittiń bir búıirine pyshaq suǵyp, qashyp ketken. Qazir pyshaq jaraqatynan zardap shekken eki stýdent Temirlan aýylyndaǵy aýrýhanada em qabyldaýda. Olarǵa ota jasalyp, biriniń kókbaýyryn alyp tastaǵan. Dárigerler qazir ekeýiniń jaǵdaıy qalypty ekenin aıtýda. 
Al óńirdiń Іshki ister departamenti bul oqıǵa boıynsha tergeý sharalary júrgizilip jatqanyn rastady. Resmı derekter boıynsha osy qylmysqa qatysy bar degen kúdikpen bir jasóspirim qamaýǵa alynǵan. "Tergeýge qatysty qalǵan aqparattar qosymsha habarlanady", - deıdi polıtseıler. 
