OQO-da Street Workout keń nasıhattalýda
ShYMKENT. QazAqparat - Ońtústik Qazaqstan oblysynda jasóspirimder Street Workaut-tan saıysqa tústi. «Qoǵamdyq sanany jańǵyrtý» baǵdarlamasy aıasynda uıymdastyrylǵan shara Tólebı aýdanyndaǵy «Taý samaly» oqý-saýyqtyrý lagerinde ótti, dep habarlaıdy «QazAqparat HAA tilshisi.
Atalǵan shara Street Workout sport túrin oqýshylar arasynda keńinen nasıhattap, basqa da jaman qylyqtardan boıyn aýlaq ustaýǵa shaqyrý maqsatynda uıymdastyryldy. 10 adamnan quralǵan erikti synyp sheberligin kórsetip, jasóspirimderdiń sportqa qyzyǵýshylyǵyn arttyrdy. Sonymen qatar bir top shymyr jigitter men qyzdar Street Workout-tan saıysqa tústi. Ashyq aspan astynda aıqasqan vorkaýterler Nurhan Ábdýmanap, Nursultan Qudaıbergen, Elnur Tórebaı, Nesibeli Pernebaı, Nurzada Janjigit, Nazerke Bıbolat erekshelik tanytty.
Sondaı-aq jasóspirimder óz kúshterin synap, aspaly týrnıkterde jattyǵý jasap jarysty. Osylaısha bos ýaqyttaryn tıimdi ótkizdi. 
Aıta keteıik, Street Workout jańa sporttyq qozǵalys. Paıda bolǵanyna kóp ýaqyt ótpese de, búginde sporttyń bul túri elimizde qarqyndy damýda. Onyń keń taralýyna jattyǵýdyń qoljetimdiligi oń áserin tıgizip otyr.
