OQO-da sottalyp kete jazdaǵan jasóspirim aqyry 14 jastaǵy qyzǵa úılenetin boldy
ShYMKENT. QazAqparat - Ońtústik Qazaqstan oblysynda sottalyp kete jazdaǵan 16 jasar jasóspirim aqyry 14 jastaǵy qyzǵa úılenetin boldy. Bul týraly oblystyq kámelettik jasqa tolmaǵandardyń isi jónindegi mamandandyrylǵan aýdanaralyq sotynyń tóraǵasy Qanatbek Qońyrbaev málimdedi, dep habarlaıdy QazAqparat tilshisi.
Sot tóraǵasynyń aıtýynsha jasóspirimniń qylmystyq isi sotta qaralyp, keıin qysqartylyp ketken.
«Sot otyrysynda jábirlenýshi qyz bala aıyptalýshy jigitke eshqandaı kiná artpaıtynyn aıtty. Jigittiń ersi qylyǵyn keshirdi. Jýyrda sol azamatqa turmysqa shyǵatynyn da málimdedi. ıAǵnı, qos taraptyń kelisimi negizinde is qysqartyldy»,-dedi Qanatbek Qońyrbaev.
Aıta keteıik, buǵan deıin áleýmettik jelilerde kámelettik jasqa tolmaǵan 14 jastaǵy qyz bala men 16 jastaǵy jasóspirimniń jaqyndasqany týraly aqparat taraǵan edi. Sonyń saldarynan mektep oqýshysy júkti bolyp, ony ata-anasy bilip qoıǵan bolatyn. Sóıtip sotqa talap-aryz túsirgen. Jasóspirimge qatysty qylmystyq is qozǵalyp, qylmystyq is sotta qaralǵan. Alaıda jábirlenýshi taraptyń keshirim berýine baılanysty ol qylmystyq jazadan bosatyldy. Endi 16 jastaǵy jasóspirim týystary «zorlyq kórsetti» dep aıyptaǵan qyzǵa quda túspekshi.
