OQO-da sońǵy bir aptada 140 myńnan astam adam mindetti áleýmettik medıtsınalyq saqtandyrýǵa tirkeldi
ShYMKENT. QazAqparat - Ońtústik Qazaqstan oblysynda «Emhanaǵa tirkel de MÁMS júıesindegi óz mártebeńdi anyqta!» aktsııasy bastaldy. Shara aıasynda sońǵy bir aptanyń ishinde 140 myńnan astam azamat tirkelgen.
Emhanaǵa mindetti áleýmettik medıtsınalyq saqtandyrý boıynsha jappaı tirkelý densaýlyq saqtaý qyzmetkerleri tarapynan júrgizilgen túsindirý jumystarynyń nátıjesinde qol jetkizilip otyr, dep habarlaıdy «QazAqparat» HAA tilshisi.
Sala mamandary osy sońǵy eki aptada kóshe, aýlalardy aralap, 500 myńnan astam turǵyndy qamtyǵan kezdesýler ótkizgen. Árbir turǵynǵa ózi tańdaǵan jáne turǵylyqty mekenine múmkindiginshe jaqyn ornalasqan emhanaǵa baryp tirkelýi kerektigin jetkizdi.
Dárigerler túsindirý jumystary budan ári de jalǵasyn tabatynyn aıtady. Óıtkeni, osy jyldyń 1 shildesinen árbir azamat saqtandyrý qoryna jarna tóleýge mindetti. Eger jarna tólenbegen jaǵdaıda memleket tegin medıtsınalyq kómektiń kepildi túrine ǵana kepildik beredi. Osy aktsııa barysynda oblys ákiminiń orynbasary Baýyrjan Jamalov Shymkent qalalyq №3 emhanaǵa baryp tirkelip, mártebesin anyqtady. Sonymen qatar ol emhananyń tynys-tirshiligimen tanysyp, ońtústikqazaqstandyqtardy 31 maýsymǵa deıin emhanalaryna baryp tirkelip, mártebelerin anyqtaýǵa shaqyrdy.
«Buǵan deıin men Almaty qalasynda turǵanmyn. Qazir qyzmet babymen Shymkentke qonys aýdarýyma baılanysty osy emhanaǵa tirkeldim. Esh qıyndyǵy joq, ózderińiz kórgendeı barlyq jaǵdaı jasalǵan. Elimizde keler jyldan bastap Mindetti áleýmettik medıtsınalyq saqtandyrý týraly zań kúshine ene bastaıdy. Soǵan baılanysty árbir qazaqstandyqtyń mártebesin anyqtaý mańyzdy. Sol maqsatta elimizde 5 sáýirden bastap, «Emhanaǵa tirkel de MÁMS júıesindegi óz mártebeńdi anyqta!» aktsııasy júrip jatyr. Osy múmkindikti paıdalanyp, ońtústikqazaqstandyqtardy ózi tańdaǵan emhanaǵa tirkelýge shaqyramyn», - dedi B.Jamalov.
