OQO-da shubat óndirisi jolǵa qoıylady
ASTANA. QazAqparat - Búgin Túrkistan qalasynda qymyz ben shubat óńdeý zaýytynyń irgetasyn qalaý rásimi ótti. QR Aýyl sharýashylyǵy mınıstrligi «100 naqty qadam» Ult josparynyń 60 qadamyn oryndaý maqsatynda osy jobany bastama etip kóterdi.
Óńdeý zaýyty qazaqstandyq «Vtormetalservıs» kompanııasymen júzege asyrylatyn bolady. Ol qytaılyq «Golden Kemel grýpp» kompanııasynyń ınvestıtsııalaryn tartty, dep habarlaıdy QR AShM baspasóz qyzmeti.
Osyndaı obektini salý elimizdiń óńdelgen ónim eksportyn joǵarylatýǵa múmkindik beretinin atap ótken jón. Zaýyttyń jobalyq qýattylyǵy jylyna 33 000 tonna.
Jobany iske asyrý mýltıplıkatıvti áserin beredi. ıAǵnı, osy mańdy mekendeıtin aýyl turǵyndaryn jumyspen qamtý máselelerin ishinara sheshýdi kózdeıdi. Sondaı-aq, túıe shubatynan dári-dármek óndirisin jáne OQO-ǵy sútti daıyndaý jóninde aýyl sharýashylyq kooperatsııany damytýǵa serpin beredi.
Qazirgi ýaqytta «Aýyl sharýashylyǵy kooperatsııasy týraly» zańyn iske asyrý barysynda 564 aýyl sharýashylyq kooperatıvi tirkelgen. Onyń ishinde 81 aýyl sharýashylyq kooperatıvi sútti daıyndaý men satýǵa baǵyttalǵan. Bul degenimiz jylyna 8,0 myńnan astam JQSh tarta otyryp, 40 myń tonna sút óndirýge múmkindik bolady degen sóz. Kooperatıvterdi qurýdy qarjylandyrý úshin «Jumyspen qamıtý jol kartasy» sheńberinde 31,8 mlrd. teńge kózdelgen.
