OQO-da shóp tıelgen 10 júk kóligin órtep jibergen
ASTANA. QazAqparat - OQO polıtseıleri shóp tıelgen 10 kóliktiń órtenýine kúdikti azamatty ustady.
Oblystyq ІІD baspasóz qyzmetiniń habarlaýynsha, bıylǵy jyldyń 5 shildesi kúni shamamen saǵat 06:56-da Saıram aýdandyq ІІB «102» qyzmetine Mankent kentindegi kóshelerdiń birinde órt shyqqandyǵy jaıly habarlama túsken.
Oqıǵa ornyna kelgen polıtsııa qyzmetkerleri Mankent aýylyndaǵy O.Qurbanalıev kóshesinde jergilikti turǵyndardyń shóp tıelgen 10 júk kóliginiń otqa oranǵandyǵyn kórdi.
Atalǵan oqıǵa Saıram aýdandyq ІІB-ynyń sotqa deıingi tekserýdiń biryńǵaı tizilimine tirkelip, QR QK 202 bap 2 tarmaǵynda qarastyrylǵan «Bireýdiń múlkin qasaqana joıý» boıynsha qylmystyq is qozǵaldy. Keltirlgen shyǵyn shamamen 9 mıllıon teńgeni quraıdy.
Jedel izdestirý sharalary barysynda Saıram aýdandyq ІІB qyzmetkerleri 1990 jylǵy jergilikti turǵyndy ustady. Qazirgi ýaqytta kúdikti ýaqytsha ustaý oqshaýlaǵyshyna qamaldy. Sotqa deıingi tekserý júrgizilip jatyr.
