OQO-da shomylý maýsymy bastalmaı jatyp 7 adam sýǵa ketti
ShYMKENT. QazAqparat - Ońtústik Qazaqstan oblysynda shomylý maýsymy bastalmaı jatyp 7 adam sýǵa ketti. Bul týraly óńirdiń TJD qyzmetine silteme jasap QazAqparat habarlaıdy.
Departament mamany Pavel Vıshenınniń sózine qaraǵanda, sýǵa ketken 7 adamnyń 5-eýi bala.
«Sýdan qutqarý qyzmetiniń ókilderi 9-ret shaqyrtý boıynsha shyǵyp, 4 adamnyń máıitin alyp shyqty. Olardyń ekeýi kámelet jasyna tolmaǵandar. Al ótken jyly osy merzimde 6 adamnyń ajaly sýdan bolǵan. Onyń ishinde 3-eýi bala,- deıdi sýdan qutqarý jasaǵynyń mamany.
Qaıǵyly jaǵdaılardyń oryn alýyna azamattardyń balyq aýlaý kezinde ne bolmasa basqa da jaǵdaılarda qaýipsizdik sharalaryn saqtamaýy, eresekterdiń balalaryn nazardan tys qaldyrýy sebep bolyp jatady. Osyndaı jaǵdaılardyń aldyn alý úshin óńirde túsindirý jumystary júrgizile bastaǵan. Tótenshe jaǵdaılar qyzmetkerleri qalalar men shaǵyn eldi mekenderdi aralap, arnaıy paraqshalar taratýda. Sondaı-aq, mektepterde oqýshylarmen kezdesip, sýǵa shomylǵanda qajet bolatyn qaýipsizdik sharalaryn úıretýde.
