OQO-da shegirtkeni qanattanbaı turyp, joıyp jiberýge kiristi
ASTANA. QazAqparat - Arys qalasy boıynsha zııankes shegirtkelerge qarsy is-sharalar qyzý júrýde. Shegirtkeler byltyrǵydaı boı bermeı ketpes úshin mamandar olardy qanattanbaı turyp, joıyp jiberýdiń áreketine kiristi, dep habarlaıdy OQO ákiminiń baspasóz qyzmeti.
Osy oraıda, Arys qalasy men Ordabasy aýdany shektesetin Dermene aýyldyq okrýgi aımaǵyna jaqyn Batyr ata aýyldyq okrýginde Arys qalasynyń ákimi M.Qadyrbek pen Ordabasy aýdanynyń ákimi A.Mamytbekov, aýyl sharýashylyǵy salasynyń mamandary jáne aýyl turǵyndarynyń qatysýymen shegirtkege qarsy kúresti sapaly júrgizý maqsatynda jıyn ótti.
Sonymen qatar, Qojatoǵaı aýyldyq okrýgine qarasty aýmaqta Arys qalasynyń ákimi M.Qadyrbek pen oblystyq aýyl sharýashylyǵy basqarmasynyń basshysy S.Turbekov, Arys aýdanynyń prokýrory N.Qosbaev, qalalyq tótenshe jaǵdaılar bóliminiń bastyǵy E.Ábdiqulov, oblystyq aýmaqtyq ınspektsııasy jáne "Respýblıkalyq fıtosanıtarlyq dıagnostıka jáne boljamdaý ádistemelik ortalyǵy" memlekettik mekemesiniń Ońtústik Qazaqstan oblystyq fılıalynyń jaýapty mamandary, qala jáne aýyldyq okrýg ákimdikteriniń qyzmetkerleriniń qatysýymen shegirtkege qarsy kúresti sapaly júrgizý maqsatynda jıyn ótti. 
Qala ákimi Murat Bolatuly máseleniń ózektiligine toqtalyp, aǵymdaǵy jyly óńirde jaýyn-shashyn mol túsip, qystyń jaıly bolýy zııankesterdiń kóbeıýine oń áser bergendigi týraly aıtyp, zııankesterge bıologııalyq kúresti joǵary deńgeıde uıymdastyrýdy qatań tapsyrdy.
Qazirgi tańda Arys qalasynyń enshisindegi 56,3 myń gektar jerge shegirtkege qarsy dáriler sebilýde. Bul baǵyttaǵy jumystarǵa zııankesterge dári shashatyn 2 ushaq pen dári shashatyn qondyrǵylarmen jabdyqtalǵan 4-traktor, 6-GAZ-66 júk kóligi, 9-ýazık, barlyǵy 21 tehnıka men 100-den asa adam jumyldyrylyp, jumys qarqyndy túrde júrgizilýde.
