OQO-da sharýalar sheteldik tásilmen egin egýde
ShYMKENT. QazAqparat - Ońtústik Qazaqstan oblysynda sharýalar sheteldik tásilmen egin egýde. Shardara aýdanyna shveıtsarııalyq «Sıngenta» kompanııasynyń ókilderi kelip, kóktemgi dala jumystaryn júrgizý boıynsha tájirıbe almasty, dep habarlaıdy QazAqparat HAA tilshisi.
Tuqymdyq shıtti dárileýmen aınalysatyn kompanııa elimizde ókildigin ashyp, aram shópter men zııankesterge qarsy hımıkattar jasap shyǵarýdy qolǵa aldy. Kúnbaǵys, kókónis daqyldarynyń tuqymdyq shıtin óndirýdi de jolǵa qoıdy. Qazir fırma ókilderi shalǵaı aýdandarǵa baryp, sharýalarǵa egistikti qaýmalap ósetin shópterdi joıýdyń ádis-tásilderin úıretip jatyr.
«Sharýalarǵa qazirgi tańda gerbıtsıdter 50 paıyzdyq jeńildikpen berilip jatyr. Olarǵa biz qujat beremiz. Qujattaryn aýdandyq aýyl sharýashylyq bólimine, ákimshilikke ótkizip, aram shópter men zııankesterge qarsy dárini jarty baǵasyna ala alady»,- deıdi kompanııa ókili Nurjaý Ábdiǵapparov.
Bıyl kúrish alqabyn ulǵaıtýdy kózdep otyrǵan shardaralyq dıqandar osy tásilder arqyly qambany dánge toltyryp, mol tabysqa keneletinine senimdi.
