OQO-da sabaqtan sebepsiz qalǵan oqýshylarǵa aıyppul salynady
ShYMKENT. QazAqparat - Ońtústik Qazaqstan oblysynda sabaqtan sebepsiz qalǵan oqshylarǵa aıyppul salynyp jatyr. Bul týraly óńirdiń kámeletke tolmaǵandardyń isteri jónindegi mamandandyrylǵan aýdanaralyq sotynyń tóraǵasy Serikbaı Tólepbergenov málimdedi. Sot tóraǵasynyń sózinshe, oqý jyly aıaqtalyp qaldy dep sabaqtan sebepsiz qalǵan oqýshylardyń máselesin qaraý endi bastalypty, dep habarlaıdy QazAqparat HAA tilshisi.
Óńirde balalardyń mektepke barmaýyna baılanysty kelip túsken aryz-shaǵymdar kóbeıip otyr eken. Al, zań boıynsha mundaı balalardan tıisti aıyppuldar óndirý qarastyrylǵan. Sondyqtan kináli taraptan aıyppul óndirý isi jaz aılarynda da, ıaǵnı bala demalysta júrgende de jalǵasatyn bolady.
«QR Ákimshilik quqyqbuzýshylyqtar týraly kodekstiń 127-babynda «Ata-ananyń nemese basqa da zańdy ókilderdiń kámeletke tolmaǵan balalardy tárbıeleý men oqytý jónindegi mindetterdi oryndamaýy - jeti aılyq eseptik kórsetkish mólsherinde aıyppul salýǵa ákep soǵady» dep kórsetilgen. ıAǵnı, mektep oqýshylary sabaqtan sebepsiz qalatyn bolsa, olardyń ata-analary men zańdy ókilderine 15 883 teńge kóleminde aıyppul salynady. Al, sabaqqa barmaı qalý bir jyl ishinde eki ret qaıtalanatyn bolsa, onda aıyppuldyń kólemi 45 380 teńgege deıin joǵarylaıdy»,-deıdi sot tóraǵasy. 
Serikbaı Tólepbergenovtyń aıtýynsha, sabaqtan sebepsiz qalatyn oqýshylar týraly aqparatty birinshi mektep dırektorynyń tárbıe isi jónindegi orynbasarlary men ınspektorlary jınaqtaıdy. Sonyń negizinde hattama toltyrylyp, aryz-shaǵym jazylady. Ol Ońtústik Qazaqstan oblysynyń kámeletke tolmaǵandardyń isteri jónindegi mamandandyrylǵan aýdanaralyq sotyna joldanady. QR Ákimshilik jáne quqyqbuzýshylyq týraly kodekstiń 127-baby boıynsha quqyqbuzýshylyqtar dáleldengen jaǵdaıda, sot mektepke barmaǵan balalardyń ata-analary men zańdy ókilderine aıyppul salady.
«Ótken jyly mektepterde sabaqtan «qashý» boıynsha 324 is tirkelse, sonyń 20-sy ekinshi ret qaıtalanǵan. Bıyl taǵy osy tektes 248 is tirkelip, 178-i qaraldy»,- deıdi Serikbaı Tólepbergenov.
Búginde osy syndy quqyqbuzýshylyq áreketterdiń basym bóligi Shymkent qalasynda oryn alyp otyr eken. Tekserý barysynda anyqtalǵany, mektepke barǵysy kelmeıtin oqýshylar negizinen jaısyz otbasylarda, ishimdikke salynǵan ata-analardyń balalary bolyp shyqqan. Sol sebepti mektep ınspektorlary oblystyń halyq tyǵyz ornalasqan aýdan, qalalarynda túsindirý jumystaryn júrgize bastaǵan.
