OQO-da pyshaqtalǵan eki adam arýhanaǵa tústi
ShYMKENT. QazAqparat - Ońtústik Qazaqstan oblysy Shardara aýdanynda pyshaqtalǵan eki adam arýhanaǵa tústi, dep habarlaıdy QazAqparat tilshisi.
38 jastaǵy áıel men 43 jastaǵy er adamnyń dene jaraqatyn alǵany týraly habar Shardara aýdandyq ІІB-nyń kezekshi bólimine túsken.
«Tergeý barysynda anyqtalǵany, eki erkek pen bir áıel azamatsha ishkilik iship otyrǵan. Sol kezde aralarynda janjal týyndap, kúdikti 38 jastaǵy áıeldiń sol jaq kókirek tusyna pyshaq tyǵyp alady. Jandarynda bolǵan 43 jastaǵy azamat aralaryna túsip, ekeýin ajyratpaqshy bolǵanda sezikti onyń da oń jaq kókirek tusyn pyshaqtaǵan. Jedel izdestirý sharalaryn júrgizý nátıjesinde polıtseıler kúdikti retinde 35 jastaǵy turǵyndy ustady. Kúdikti qamaýǵa alyndy», - delingen oblystyq ІІD-nyń habarlamasynda.
Qazirgi atalǵan jaıt boıynsha Qylmystyq kodekstiń 106-baby «Densaýlyqqa qasaqana aýyr zııan keltirý» boıynsha is qozǵalyp, sotqa deıingi tergep tekserý júrgizilýde.
