OQO-da polıetılendi qaıta óńdeıtin zaýyt ashylady
Ońtústik Qazaqstan oblysy ákiminiń baspasóz qyzmetiniń habarlaýynsha, ınvestıtsııa quny 20 mln AQSh dollaryn quraıtyn zaýyt jylyna 50 myń tonna ónim óndiredi dep kútilýde.
Іri óndiris ornynyń qazyǵyn qaǵý saltanatty sharasyna sheteldik birqatar iri kompanııalardyń ókilderi qatysty.
Eske salaıyq, bul joba osy jyldyń 28-29 sáýirinde ótken «Ontustik Invest-2016» halyqaralyq ınvestıtsııalyq forýmy aıasynda qol qoıylǵan yntymaqtastyq týraly memorandým sheńberinde júzege asyp otyr.
Atalǵan jobany álemge tanymal sheteldik HONGKONG TIANRUN CO.,LTD iri óndiris kompanııasy oblys ákimdigimen jáne Green Technology Industries kompanııasymen birlese otyryp salmaq. Búginde bul kompanııa 70 memlekette óndiris oryndaryn ashyp úlgergen.
Óńirdiń áleýmettik-ekonomıkasynyń damýyna serpilis beretin zaýyt iske qosylǵan kezde 250 adam jumyspen qamtylady dep josparlanýda.