OQO-da polıtseıleri «Jastar nashaqorlyqqa qarsy» atty naýqanǵa qatysty
ShYMKENT. QazAqparat - Ońtústik Qazaqstan oblysynda polıtseıleri «Jastar nashaqorlyqqa qarsy» atty naýqanǵa qatysty. Oblystyq ishki ister departamentiniń esirtkige qarsy kúres basqarmasy men bilim berý basqarmasy, sondaı-aq salaýatty ómir saltyn qalyptastyrý ortalyǵy uıymdastyrǵan sharaǵa mektep oqýshylary belsendilik tanytty, dep habarlaıdy QazAqparat tilshisi.
Jastar arasynda nashaqorlyqtyń aldyn-alý men mektep oqýshylaryn otansúıgishtikke tárbıeleý maqsatynda ótken shara aıasynda «Jastar arasynda nashaqorlyqtyń aldyn-alý» taqyrybynda dóńgelek ústel uıymdastyryldy. Onda balalar «Biz salaýatty ómir saltyn qoldaımyz!» taqyrybynda shaǵyn jarnamalar daıyndap, «Biz -jastar, sportty jáne salaýatty ómirdi tańdaımyz» atty sporttyq bı jarystary ótti. Saıysqa oblystyń qala-aýdandarynan kelgen 10 top qatysty. Balalar sondaı-aq ózderiniń bilimderin túrli sporttyq jattyǵýlar men bımen kórsetti. Bıdiń tıptonık, breıkdans, hıp-hop sııaqty túrlerin kórsetti. Sondaı-aq salaýatty ómir saltyn nasıhattaý maqsatynda fleshmob ótkizdi. Baıqaý qortyndysymen barlyq jeńimpazdar gramotalar men baǵaly syılyqtarmen marapattaldy.
Sonymen qatar, oqýshylar polıtseılermen kezdesti. Onda nashaqorlyqtyń aldyn-alý taqyrybyn qyzyǵýshylyqpen talqylap, ishki ister qyzmetkerlerine suraqtar qoıdy. Tártip saqshylary olarǵa esirtki zatynyń zııandy ekenin atap ótip, salaýatty ómir saltyn saqtaý kerektigin eskertti.
