OQO-da polıtseılerdiń saýlyǵyna jaýapty medıtsına mamandary marapattaldy
ShYMKENT. QazAqparat - Ońtústik Qazaqstan oblysynda ishki ister salasyndaǵy medıtsına bóliminiń qyzmetkerleri marapattaldy. Óńirlik ІІD-niń bastyǵy Janat Súleımenov 5 qyzmetkerge «QR Polıtsııasyna 25 jyl» medalin tabystady, dep habarlaıdy QazAqparat tilshisi.
Saltanatty marapattaý rásimine departamenttiń jeke quramy qatysty. Jıynda medıtsına bóliminiń basshysy Baýyrjan Іzbasarov quttyqtaý sóz sóılep, omyraýyna tósbelgi taqqan qyzmetkerlerdiń eli úshin adal qyzmet etetinine senim bildirdi. Departamenttiń medıtsına qyzmetinde erekshe kózge túsip, marapattalǵandar qatarynda 30 jyldyq jumys ótili bar dáriger Ádilbek Ahmetov pen dáriger Zakıra Daýylbaeva, medıtsına bóliminiń bas mamany Málik Qulnazarov pen ýchaskelik terapevt Qonysbek Turmanov, aǵa medbıke Gúlnár Bımýrzaevalar bar. Jalpy, quqyq qorǵaý salasynda dáriger bolý - bul naǵyz beıimdelýdi talap etetin kásip. Aýrýdyń jasqa da, kárige de qaramastan, urymtal jerden soǵa beretini aqıqat. Sondyqtan ıne men pyshaqty ómirlerine serik etken aq halatty abzal jandar, altyn qoldy dárigerler qaýymyna besiktegi baladan esiktegi qartqa deıingi adamdardyń aıtar alǵysy sheksiz ekendigine shúbámiz joq.
Osyndaı quttyqtaýlaryn jetkizgen OQO ІІD bastyǵy Janat Súleımenov medıtsına qyzmetkerlerine jumystaryna alǵys tiledi.
