OQO-da polıtseıler jol apatynan qaza tapqan adamdy tanýǵa kómek suraýda
ShYMKENT. QazAqparat - OQO-da polıtseıler jol apatynan qaza tapqan adamdy tanýǵa kómek suraýda. Samara-Shymkent tas jolynda qoǵamdyq kólik jaıaý júrginshini qaǵyp ketken bolatyn, dep habarlaıdy QazAqparat HAA tilshisi.
Jol kólik oqıǵasy 26 aqpannan 27-sine qaraǵan túni Báıdibek aýdanyna qarasty, Jıenqum aýylynyń tusynda oryn alǵan. Túngi saǵat 23:30-dar shamasynda «Hýndaı Stareks» kóliginiń júrgizýshisi jol apatyn jasap, joldan ótip bara jatqan adamdy soǵyp ketken. Alǵan jaraqatynan jaıaý júrginshi sol jerde qaza tapty. Endi aýdandyq ІІB qyzmetkerleri qaıtys bolǵan azamatty taný úshin halyqtan kómek suraýda. Sebebi, sol ýaqyttan beri bul jolaýshyny eshkim izdemegen.
Belgileri: eýropalyq násildi azamat, jas shamasy 30-35-ter, boıy 165-167 sm, orta deneli. Ústine qara kúrteshe men kók tústi djınsy, qara tústi jempir, qara aıaq kıim kıgen. Erekshe belgileri baıqalmaıdy.
Eger osy azamatty tanıtyndar bolsa polıtseıler OQO-nyń Báıdibek aýdandyq ІІB-ine habarlasýyn suraıdy, baılanys telefondary: 8-725-48-2-10-76, 8-725-48-2-19-02, 8-725-48-2-19-81, 8-702-501-25-00, 8-705-361-23-89, 8-775-510-87-77 ne bolmasa «102».
