OQO-da polıtseıler zańsyz qarý alyp júrgen azamatty ustady
ShYMKENT. QazAqparat - Ońtústik Qazaqstan oblysynda polıtseıler zańsyz qarý alyp júrgen azamatty ustady, dep habarlaıdy QazAqparat tilshisi.
Óńirdiń tártip saqshylary Maıatas eldi mekeniniń mańynda jedel-profılaktıkalyq tekserý júrgizý kezinde «VAZ-21213» markaly avtokóligin toqtatqan. Rýldi tizgindegen 35 jas shamasyndaǵy turǵynnyń qujattaryn tekserip, kólikti tintý barysynda 16 kalıbrli ańshy myltyǵy men 47 dana 16 kalıbrli oq tabylǵan. Olardyń barlyǵy tárkilenip alynyp, sot ballıstıkalyq saraptama taǵaıyndaldy.
Qazirgi tańda atalǵan jaıt negizinde Qylmystyq kodekstiń 287-baby («Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý») boıynsha is qozǵalyp, sotqa deıingi tergep tekserý jumystary júrgizilýde.
