OQO-da polıtseıler zańsyz balyq aýlaǵandarǵa aıyppuldar saldy
ShYMKENT. QazAqparat - Ońtústik Qazaqstan oblysynda polıtseıler zańsyz balyq aýlaǵandarǵa aıyppuldar saldy. Aǵymdaǵy jyldyń 10 sáýiri men 30 mamyry aralyǵynda «Ýyldyryq» jedel aldyn alý is-sharasyn ótkizip jatqan oblystyq Jergilikti polıtsııa qyzmetkerlerimen 24 ákimshilik quqyqbuzýshylyq deregin anyqtalǵan, dep habarlaıdy QazAqparat HAA tilshisi.
Óńirdiń tártip saqshylary tabıǵat qorǵaý organdary jáne ózge de sala qyzmetkerlerimen birlesken mobıldi toptar quryp, 4 kúndik boıy brakonerlermen kúres júrgizdi. Balyq ýyldyryq shashatyn kezeńde zańsyz balyq aýlaıtyndardyń jolyn kesti. Shara barysynda 19 quqyqbuzýshyǵa balyq resýrtaryn qorǵaý erejesin buzǵany úshin 200 myńnan asa qarjy kóleminde aıyppul salyndy. Sonymen qatar, balyq aýlaý erejesin buzǵan 5 jaıt anyqtalyp, olarǵa qatysty ákimshilik hattamalar túzildi. Protsessýaldy sheshim shyǵarý úshin sotqa joldandy. Aıta keteıik, polıtseıler tarapynan ótkizilip otyrǵan «Ýyldyryq» is-sharasy mamyr aıynyń sońyna deıin jalǵasady.
