OQO-da polıtseıler úı tonaǵan ózbekstandyqty ustady
ShYMKENT. QazAqparat - Ońtústik Qazaqstan oblysynda polıtseıler turǵyn úıdi tonap ketken ózbekstandyq jasópirimdi ustady. 17 jasar sezikti Qazyǵurt aýdanynyń turǵyndaryna 1,5 mıllıon teńgeden asa shyǵyn keltirgen, dep habarlaıdy QazAqparat tilshisi.
Tártip saqshylary qylmystyń izin sýytpaı ashty. Óıtkeni polıtsııa bólimine aryzdanyp kelgen turǵyndar belgisiz tulǵalar úıine kelip, altyn buıymdaryn urlap ketkeni týraly kórsetken bolatyn. Osydan keıin jedel izdestirý sharalaryn júrgizý barysynda kámelet jasqa tolmaǵan Ózbekstan Respýblıkasynyń azamaty ustaldy. Tergeý barysynda onyń turǵyn úıge eshkim joqta kirip, altyn buıymdary men aqshalaryn urlap ketkeni belgili boldy. Tergeýshiler sondaı-aq qolǵa túsken jasóspirimniń birneshe ret urlyq jasaǵanyn anyqtaǵan. Qazirgi tańda seziktiniń ústinen Qylmystyq kodekstiń 188 «Urlyq» babymen is qozǵalyp, sotqa deıingi tergeý amaldary júrgizilýde. Kúdikti qamaýǵa alyndy.
