OQO-da polıtseıdi tepkilep tastaǵan júrgizýshi sottaldy
ShYMKENT. QazAqparat - Ońtústik Qazaqstan oblysy, Saryǵash aýdanynda polıtseıdi tepkilep tastaǵan júrgizýshi sottaldy, dep habarlaıdy QazAqparat tilshisi.
Saryaǵash aýdandyq №2 sotynyń sýdıasy Samal Jolmuratqyzynyń aıtýynsha, qyzmettik kólikpen jol erejesin óreskel buzǵan azamat bas bostandyǵyn ýaqytsha shekteý jazasyna kesildi.
Sot otyrysynda anyqtalǵandaı, júrgizýshini jol patrýldik polıtsııa qyzmetkerleri toqtatqan. Onyń ereje buzǵanyn túsindirip, hattama toltyrypty. Alaıda júrgizýshi tártip saqshylarynyń bul áreketine narazy bolyp, quqyq qorǵaý qyzmetkerin tepkilep tastaǵan. Tergeý barysynda kináli júrgizýshiniń bul qylmysy tolyǵymen dáleldendi. Sot qyzmettik kólikti tizgindep júrip, zańbuzýshylyq áreketke barǵan aıyptalýshyny Qylmystyq kodekstiń 380 baby 1 bóligimen («Quqyq qorǵaý organy, arnaýly memlekettik organ qyzmetkeriniń, áskerı qyzmetshiniń ómirine qolsuǵýshylyq») kináli dep tapty. Ony 1jyl 6 aı merzimge bas bostandyǵyn shektep, probatsııalyq baqylaýda bolý týraly úkim shyǵardy.
