OQO-da Polsha kompanııasy turmystyq qaldyq óńdeıtin keshen jobasyn tanystyrdy
ShYMKENT. QazAqparat - Búgin Ońtústik Qazaqstan oblystyq tabıǵı resýrstar jáne tabıǵat paıdalanýdy retteý basqarmasynyń uıymdastyrýymen turmystyq qaldyqtar kádege jaratý máselesi boıynsha is-shara ótti.
OQO ákiminiń baspasóz qyzmetiniń habarlaýynsha, bassqosýǵa aýdan, qala ákimderiniń salany jetekshilik etetin orynbasarlary, bólim basshylary men turmystyq qaldyqtar salasynda jumys júrgizetin mekeme ókilderi qatysty.
Jıynda Polsha memleketinen arnaıy kelgen «VecoPolyEnergy» kompanııasynyń ókilderi qatty turmystyq qaldyqtardy qaıta óńdeıtin keshen qurylysynyń jobasymen tanystyrdy.
Kezdesý barysynda joba boıynsha aýdan, qala aýmaǵynda túzilgen jáne jınaqtalǵan qatty turmystyq qaldyqtardy qaıta óńdeý arqyly ekinshi ret ónim alý múmkindikteri jóninde sóz qozǵaldy.
Elimizdiń Ekologııalyq kodeksiniń talaptaryna sáıkes, qaldyqtardy suryptaý, kádege jaratý jáne qaıta óńdeý jónindegi jumystardy tıimdi uıymdastyrý jergilikti atqarýshy organdarǵa júktelip otyr. Osyǵan baılanysty, qatty turmystyq qaldyqtardy kádege jaratý, qaıta óńdeý tehnologııalaryn endirý qajettiligi týyndaýda. Jobamen tanysqan aýdan, qala ákimdikteri óz tarapynan pikirlerin aıtyp, qyzyǵýshylyqtaryn tanytty.
Atalǵan joba jergilikti bılik tarapynan qoldaý tapsa, sheteldik kompanııa turmystyq qaldyqtardy qaıta óńdeý jobasyn iske asyratyn bolady. Óz kezinde bul turǵyndardan shyqqan turmystyq qaldyqtar qaıta paıdalanýǵa berilip, el ekonomıkasyna aıtarlyqtaı tyń serpilis ákeleri anyq.
