OQO-da «Parasyz bolashaqqa - jastarmen birge!» uranymen forým ótti
ShYMKENT. QazAqparat - Ońtústik Qazaqstan oblysynda «Parasyz bolashaqqa - jastarmen birge!» uranymen forým ótti. Memlekettik qyzmet isteri jáne sybaılas jemqorlyqqa qarsy is-qımyl agentiginiń OQO boıynsha departamenti men oblystyq «Jastar resýrstyq ortalyǵy» uıymdastyrǵan sharada erikti jastardyń «Sybaılystyqqa - jol joq» atty fleshmoby uıymdastyryldy, dep habarlaıdy QazAqparat HAA tilshisi.
«Nur-Otan» partııasynyń oblystyq fılıaly ókilderi, «frıstaıldan» Búkilálemdik ýnıversıada jeńimpazy Janbota Aldabergenova, basqarma qyzmetkerleri, BAQ ókilderi men stýdentter jáne erikti jastardyń basyn qosqan shara jastar arasynda aldyn alý jumystaryn júrgizý, memlekettik sybaılas jemqorlyqqa qarsy saıasattyń tıimdiligin arttyrý, sybaılas jemqorlyqpen kúresýge búkil qoǵamdy tartý maqsatynda ótti. Jıynda departamenttiń Sybaılas jemqorlyq profılaktıkasy basqarmasynyń basshysy Gúljan Musabekova eldiń bolashaǵy jastardyń qolynda ekenin atap ótip, olardy sybaılas jemqorlyqtyń aldyn alýda birlese jumys jasaýǵa shaqyrdy.
«Bul aktsııa ár toqsan saıyn jaýapty mekemelermen birlese otyryp, túrli baǵytta jastardyń qatysýymen ótýde. Basty maqsaty - «Parasyz bolashaqqa. Birge!» mobıldi tobyna jastardy tartý arqyly sybaılas jemqorlyqtyń aldyn alý boldaq», - dedi G.Musabekova.
Sonymen qatar basqarma basshysy memlekettik qyzmetke qyzyǵýshy jastarǵa departament tarapynan memkyzmet.kz aqparattyq saıtynyń jumys jasaıtyndyǵyn, onda memlekettik qyzmetke túsýge arnalǵan zańnamalarmen tanysýǵa jáne synaq testinen ótýge bolatyndyǵyn habarlady.
Іs-shara barysynda «Jaıdarman» kóńildi tapqyrlar klýby jastarynyń qoıylymy kórsetildi. Atalǵan qoıylymda sybaılas jemqorlyqtyń elimizdiń áleýmettik-ekonomıkalyq damýyna keri áseri men jemqorlyqpen aınalysqan adamnyń bolashaǵyna keri áseri kórinis tapty.
Jıyn sońynda jastar forýmda aıtylǵan usynystar men oı-pikirlerdi jastar biraýyzdan qoldap, birlese jumys jasaýǵa daıyn ekendikterin jetkizdi. Olar sondaı-aq «Parasyz bolashaqqa. Birge!» uranymen sybaılas jemqorlyqqa qarsy mobıldi toptyń kóliktegi qoǵamdyq qabyldaýynda bolyp, qala turǵyndaryna «Esikten esikke» baǵdarlamasy aıasynda aqparattyq broshıýralar, plakattar taratty.
