OQO-da ótken jyly 600 myń tonna un eksporttalǵan
ShYMKENT. QazAqparat - Ońtústik Qazaqstan oblysynda ótken jyly 600 myń tonna un eksporttalǵan. Un Tájikstan, Túrkimenstan jáne Ózbekstan syndy TMD elderine, sonymen qatar, Aýǵanstan, Irak, Qytaı jáne Mońǵolııa naryǵyna shyǵarylǵan, dep habarlaıdy QazAqparat HAA tilshisi.
Óńirdiń un tartýshy kásiporyndary ótken jyly 801 255 tonna un, 269 900 tonna kebek shyǵarǵan. Shyǵarylǵan un ónimderiniń quny 62 825 mln. teńgeni quraıdy. Bul týraly oblystyq Kásipkerlik, ındýstrıaldy-ınnovatsııalyq damý jáne týrızm basqarmasynyń mamandary habarlady.
Tartylǵan unnyń 600 myń tonnaǵa jýyǵy, nemese 599 261,5 tonnasy 114 213,3 myń AQSh dollaryna satylypty.
Jalpy, óńirde un tartý kásibimen onshaqty seriktestik aınalysady. Olardyń ishinde «Altyn dán» JShS, «Erasyl-2030» JShS, "Danı-Nan-Group" JShS, «Kasimhan Grain Products» JShS, "Asyl-LTD" JShS-lary negizgi eksporttaýshy kompanııalar bolyp tabylady.
