OQO-da ótken jyly 300 mln dana jumyrtqa óndirilgen
ShYMKENT. QazAqparat - Ońtústik Qazaqstan oblysynda qus sharýashylyǵy jyl saıyn damyp keledi. Jalpy óńirde iri jáne shaǵyn 35 qus fermasy bolsa, onda 2 mln 638 myń qus bar. Olardan ótken jyly 300 mln dana jumyrtqa, 12,1 myń tonna qus eti alynǵan, dep habarlaıdy oblys ákimdiginiń baspasóz qyzmeti.
Búginde naryqta joǵary suranysqa ıe ónimder - qus etiniń halyqty qamtamasyz etý deńgeıi 73,7 paıyzǵa, al jumyrtqamen qamtý 75 paıyzǵa jetip otyr.
Qus eti men jumyrtqa ımportyn azaıtyp, oblys halqyn otandyq ónimmen tolyq qamtamasyz etý maqsatynda oblystyń aýdan, qalalarynan 2020 jylǵa deıin orta, shaǵyn 78 qus fabrıkalaryn ashý josparlanýda.
Oblysta qus sharýashylyǵynyń damýyna 2016 jyly memleket tarapynan jalpy 2,29 mlrd teńge kóleminde sýbsıdııa berildi. Onyń 1,47 mlrd 471 mln. 440 myń teńgesi kúrke taýyq etine, 132 mln-y broıler etin óndirip, kóbeıtý sharýashylyǵyna berilgen. Osy baǵyttaǵy jumysty odan ári damytý maqsatynda 2017 jyly da sharýalarǵa 2,03 mlrd teńgege jýyq sýbsıdııa bólinetin bolady.
Óńirdegi qus fermalarynyń birqataryna toqtalsaq. Іri qus fermasynyń biri «Ordabasy qus» JShS bolsa, munda 648 276 bas kúrke taýyq ósiriledi. Al «Infrastroı LTD» JShS-ynda etti baǵyttaǵy 250 myń broıler taýyǵy bolsa, «Shymkent qus» JShS-y jumyrtqa óndirý baǵytyndaǵy 646 900 bas qusty baǵýda.
