OQO-da otbasynyń úsh adamy gazdan ýlanyp, ákesi men qyzy qaıtys boldy
ShYMKENT. QazAqparat - Ońtústik Qazaqstan oblysynda bir otbasynyń úsh adamy gazdan ýlanyp qaldy. Iis tıgen ákesi men qyzy qaıtys boldy. Qazir dárigerler zardap shekken áıeldiń ómirin saqtap qalýǵa kúresip jatyr, dep habarlaıdy QazAqparat tilshisi.
Oblysta gazǵa jaýapty mamandardyń málimetinshe, qaıǵyly jaǵdaı Saıram aýdany, Ótemis aýylynda bolǵan. Iisten bir januıanyń músheleri ýlanyp, jedel járdem qyzmeti kelgenshe 42 jastaǵy otaǵasy men 19 jastaǵy qyzy kóz jumǵan. Al, 42 jastaǵy áıel aýyr halde Oblystyq joǵary qysymdy ottegimen emdeý ortalyǵy túsken.
«Naýqas ortalyqqa 9 aqpan kúni kúndizgi saǵat 12.41-de túsken. Dıagnozy kómirtegi totyǵynyń toksıkalyq áseriniń aýyr dárejesi. Komanyń 2-3 dárejesi. Ekzotoksıkalyq shoktyń 2-3 dárejesi. Qazirgi tańda naýqastyń jaǵdaıy óte aýyr. Ol emin jansaqtaý bóliminde qabyldap jatyr», - deıdi Oblystyq joǵary qysymdy ottegimen emdeý ortalyǵynyń bas dárigeri Dáýlet Musaev.
Qazir oqıǵa ornynda gaz mamandary men tótenshe jaǵdaılary qyzmetkerli tekserý sharalaryn júrgizip, ıistiń qaı jerden shyqqanyn anyqtap jatyr.
