OQO-da ósimdik maıy óndirile bastady
ASTANA. QazAqparat - Kásipkerlik salasymen túrlenip, kásipkerlikti damytýdy jolǵa qoıǵan Saıram aýdany endigi kezekte ósimdik maıyn óndirýdi qolǵa alǵan, dep habarlaıdy ákimniń baspasóz qyzmeti.
Bul óńir ónerkásiptiń eki baǵytyn da damytýda. Atap aıtqanda, aýdan ónerkásibiniń 84%-n óńdeý ónerkásibi quraıtyndyqtan jańa kásiporyndar ashý esebinen ónim kólemi artty. Jáne bar rezervterdi paıdalaný esebinen aýdan ekonomıkasy kóterilip, belsendi kásipkerlik sýbektilerdiń sany 13977 birlikke jetse, shaǵyn jáne orta kásipkerlik sýbektileri óndirgen ónim kólemi 25 mlrd. teńgeni qurady.
Mysaly, ónerkásipti damytýdyń birinshi baǵyty boıynsha Saıram aýdanyna qarasty Qaramurt aýylynda jeke kásipker Iptıhar Kochkarovtyń 2016 jyldyń jeltoqsan aıynda iske qosylǵan ósimdik maıyn óndiretin tsehi búginde qarqyndy jumys isteýde. Joba quny 350 mln. teńgeni quraıdy. Qazirgi tańda óndiriste kúnbaǵys, maqsary maılary «Altyn maı» markaly ataýyn qoldanyp keledi. Bul shıkizattar Maqtaaral aýdany men Óskemennen jetkiziledi. Sondaı-aq, daıyn ónimdi ótkizý jaǵy da sheshimin tapqan. Olar oblys aýdandary men Shymkent qalasynyń sýpermarketterine satylýda. Aýdannan óndirilgen ósimdik maıy Qyrǵyzstan Respýblıkasyna da jiberilýde. Sonymen birge, qazirgi kezde Iran Respýblıkasyna daıyn ónimdi jiberý jumystary júrgizilýde. Al qúnbaǵys, maqsary maılarynyń quramyna kelsek, 100% tazartylǵan, ıissizdendirilgen bolyp keledi.
Aıta keterligi, Saıram aýdany «Bıznestiń jol kartasy 2020» bıznesti damytý men qoldaýdyń biryńǵaı baǵdarlamasy aıasynda 2016 jyly aýdanda quny 5 mlrd. teńge bolatyn 17 joba qoldaý tapty. Sonyń biri retinde, osy ósimdik maıyn óndirý tsehi baǵdarlamanyń sýbsıdııalaý baǵyty aıasynda qoldaý alǵan. 
Kásiporyndardyń aýdanda kóptep ashylýy jergilikti turǵyndardy turaqty jumyspen qamtýǵa zor úles qosýda. ıAǵnı, joǵaryda kórsetilgen ósimdik maıy shıkizatyn óndiretin kásiporyn jergilikti 25 adamdy turaqty jumys ornymen qamtyp otyr. Sonymen qatar, kásipker syıymdylyǵy 10 myń tonnalyq qoıma qurylysyn iske qosqan.
