OQO-da ortasha jalaqy mólsheri 101 myń teńgeden asqan
ShYMKENT. QazAqparat - Ońtústik Qazaqtan oblysynda bıylǵy jyldyń kórsetkishi boıynsha ortasha jalaqy mólsheri 101 117 teńgeni qurady, dep habarlaıdy QazAqparat.
Bul týraly óńirlik kommýnıkatsııalar qyzmetinde ótken brıfıngte oblystyq statıstıka departamentiniń bastyǵy Aıdar Ábildabekov málim etti. Atalmysh kórsetkish byltyrǵy jylmen salystyrǵanda 6,3 paıyzǵa artyp otyr.
Sonymen qatar, aǵymdaǵy jyldyń ІІ-toqsanynda halyqtyń ortasha bir aıda jan basyna shaqqandaǵy ataýly tabystary 45 530 teńgeni qurap, ótken jylǵa qaraǵanda 4,3 paıyzǵa ósken.
«2017 jyldyń ІІІ-toqsany boıynsha oblysta iriktemege túsken 3 393 úı sharýashylyǵy zertteldi. Nátıjesinde, oblys boıynsha jumyssyzdar sany 62,6 myń adamdy qurap, 2016 jyldyń tıisti toqsanymen salystyrǵanda 0,6 myń adamǵa kemigen. Osylaısha jumyssyzdyq deńgeıi 5,3 paıyzdy qurap otyr», - dedi Aıdar Ahmetbekuly.
Oblystyq statıstıka departamentiniń 10 aıdaǵy málimeti boıynsha, óńirde ınflıatsııanyń deńgeıin sıpattaıtyn tutyný baǵalarynyń ındeksi 106,1% quraǵan. Bul óz kezeginde ótken jylǵy tıisti kezeńge qaraǵanda 0,7 paıyzǵa tómen.
Budan bólek, oblysta azyq-túlik taýarlarynyń baǵalary men tarıfteri 4,3 paıyzǵa, al azyq-túlik emes taýarlar 8,6 paıyzǵa ósken. Halyqqa kórsetiletin aqyly qyzmetter 5,8 paıyzǵa qymbattaǵan.
