OQO-da «Ontustik Tourism Center» týrıstik aqparattyq ortalyǵy ashyldy (FOTO)
Jańa ortalyqtyń ashylý rásimine qatysqan oblys ákimi B.Atamqulov oblysymyzdyń týrıstik áleýetiniń zor ekendigin aıtyp, atalǵan ortalyqtyń óńirimizde týrızm salasyn damytýǵa tyń serpin beretinin aıtty.
Týrısterdi aqparatpen qamtamasyz etetin memlekettik kommýnaldyq mekeme turǵyndar men qonaqtarǵa alty baǵyt boıynsha qyzmet kórsetetin bolady.
Ortalyqtyń eń basty ereksheligi sol, munda óńir turǵyndary men qonaqtaryna «Bir tereze» qaǵıdatymen qyzmet kórsetile otyryp, mekeme ǵımaratynda týroperatorlar, gıd-aýdarmashy, kóshi-qon qyzmeti men transporttyq mekemeler jáne ulttyq park ókilderi shoǵyrlandyrylǵan. Bul óz kezeginde týrısterge týrıstik qyzmetti keshendi túrde alýǵa múmkindik beredi. Sonymen qatar, munda táýlik boıy call-ortalyq jumys isteıdi. ıAǵnı, týrıster óńirimizdiń qaı jerinde bolmasyn, máselen, qalaǵa qalaı jetý nemese kelesi nysanǵa qalaı barýǵa bolatynyn ortalyqqa habarlasý arqyly bile alady. Aıta ketetin jaıt, ortalyqtaǵy barlyq aqparattyq qyzmet túrleri tegin kórsetiledi.
Mekeme dırektory Jasulan Tólebekovtyń aıtýynsha, dál osyndaı prıntsıppen jumys isteıtin ortalyq respýblıkada joq. Mysaly, Astana qalasyndaǵy ortalyq konvenshn bıýro, ıaǵnı, tek is-sharalardy uıymdastyrýmen aınalyssa, Almatydaǵy mekeme tek aqparat taratýdy qamtamasyz etedi eken. Al Ońtústiktegi týrıstik aqparattyq ortalyqtyń artyqshylyǵy, munda konvenshn bıýro men aqparattyq bıýro biriktirilgen.
«EKSPO-2017» kórmesi men «Ýnıversıada-2017» halyqaralyq is-sharalary qarsańynda «Ontustik tourism center» ortalyǵynyń ashylýy mańyzdy oqıǵa bolyp otyr. Búgingi tańda ortalyq jetekshiligimen bul baǵytta eriktilerdi daıyndaý, aqparattyq qol jetimdilikti, qyzmet kórsetý servısin arttyrý jáne týrıstik baǵyttardy ázirlep, jetildirý boıynsha aýqymdy jumystar júrgizý josparlanýda.
