OQO-da «Ontustik Tourism Center» bólimsheleri ashylýda
ShYMKENT. QazAqparat - Ońtústik Qazaqstan oblysy qonaqtary men turǵyndary úshin óńirdiń týrıstik áleýeti jóninde málimet alý múmkindikteri ulǵaıýda. Osy jyly tamyz aıynan bastap Túrkistan qalasynda «Ontustik Tourism Center» týrıstik aqparattyq ortalyǵynyń bólimshesi jáne Shymkent qalasynyń áýejaıynda aqparattyq dúńgirshegi óz jumystaryn bastady.
Atalǵan is-shara qonaqtardyń Túrkistan jáne Shymkent qalalarynyń aýmaǵynda oblystyń kórikti jerleri týraly málimetterdi alýdy áldeqaıda jeńildete tústi. Kelesi rette áýejaı arqyly kelgen qonaqtar ýaqyttaryn joǵaltpaı ushyp kele salyp qajetti týrıstik málimetterdi alý múmkindigine ıe boldy. Sonymen qatar, jaqyn arada Shymkent qalasynyń temirjol vokzalynda taǵy bir aqparattyq dúńgirshek óz jumysyn bastamaq. Aıta keteıik, «Ontustik Tourism Center» bólimsheleri men aqparattyq dúńgirshekteriniń jumysy Ońtústik Qazaqstan oblysy aýmaǵynda týrıstik salanyń damýyna jáne aqparat qoljetimdiliginiń artýyna yqpalyn tıgizedi.
