OQO-da ónerkásip kásiporyndary 510 mlrd teńgeniń ónimin óndirdi

ShYMKENT. QazAqparat - Búgin OQO Óńirlik kommýnıkatsııalar qyzmetinde oblystyq kásipkerlik, ındýstrıaldy-ınnovatsııalyq damý jáne týrızm basqarmasynyń basshysy Batyrhan Qurmanseıit jyl basynan beri atqarylǵan jumystar týraly baspasóz máslıhatyn ótkizdi, dep habarlaıdy QazAqparat.

Batyrhan Qurmanseıit Memleket basshysynyń 5 ınstıtýtsıonaldy reformasyn júzege asyrýǵa baǵyttalǵan «100 naqty qadam» Ult Josparynyń 3-shi baǵytynda kórsetilgen ındýstrııalandyrý boıynsha jáne damý úderisi saqtalǵan mańyzdy áleýmettik-ekonomıkalyq kórsetkishter týraly baıandady.

Basqarma basshysynyń málimetinshe, osy jyldyń segiz aıynda oblystaǵy kásiporyndar 510,1 mlrd teńgeniń ónimin óndirgen. Onyń ishinde óńdeý ónerkásipteri 353 mlrd teńgeniń ónimi shyǵarǵan.

Sonymen qatar, Batyrhan Qurmanseıit óńirde kásipkerlikti qoldaý maqsatynda Indýstrıaldyq-ınnovatsııalyq damý baǵdarlamasy sátti júrgizilip jatqanyn atap ótti. «Indýstrıalyq-ınnovatsııalyq damý baǵdarlamasy sheńberinde 2015-2019 jyldary Kásipkerlikti qoldaý kartasy boıynsha quny   1,2 trln teńgege 17,5 myńnan astam jumys ornyn quraıtyn 135 jobany iske asyrý josparlanǵan. Búgingi tańda memlekettik baǵdarlamanyń aıasynda 47,7 mlrd teńgeniń 49 jobasy iske asyryldy. Onda 1 900-den astam turaqty jumys orny ashyldy. 2017 jyly 37 mlrd teńgeni quraıtyn 17 jobany iske qosý kózdelgen. Esepti kezeńde quny 2,3 mlrd teńgeni quraıtyn 5 joba iske qosyldy», - dedi basqarma basshysy.

Jalpy jyldyń sońyna deıin 34,7 mlrd teńgeni quraıtyn 12 joba iske qosylady. Búgingi tańda iske qosylǵan jobalardyń 94%-y josparlyq qýattylyqty ıgerip, 71 mlrd teńgeniń ónimin shyǵardy. Óńdeý ónerkásibindegi bul úlesi 21 paıyzǵa jetti.

Budan bólek, Batyrhan Qurmanseıit «Ońtústik» arnaıy ekonomıkalyq aımaǵynda jalpy ınvestıtsııa somasy 34,3 mlrd teńgeni quraıtyn 10 joba júzege asyrylǵanyn atap ótti. ıAǵnı bul kásiporyndar 22,7 mlrd teńgege ónim óndirse, óndirilgen taýarlar Germanııa, Anglııa, Koreıa, Túrkııa, Reseı syndy 15-ten astam elderge eksporttalǵan. Atalǵan aımaqta osy jyldyń sońynda jalpy ınvestıtsııa kólemi 2,6 mlrd teńge quraıtyn 3 joba iske qosylady dep kútilýde.