OQO-da óner maıtalmandary men sport juldyzdary 16 metrlik týmen shahar kóshelerin aralady

ShYMKENT. QazAqparat - Ońtústik Qazaqstan oblysynda Qazaqstan Respýblıkasy Memlekettik rámizderiniń 25 jyldyǵyna oraı "Máńgi jelbire kók týym" merekelik sharasy bolyp ótti. Óńirdiń ishki saıasat basqarmasy muryndyq bolǵan sharada myńnan asa adamnyń qatysýymen «25 jyl, 25 kóshe» merekelik sherýi uıymdastyryldy, dep habarlaıdy QazAqparat HAA tilshisi.

Sherýde kólemdi kók týdy kótergen  30 sportshy bastap júgirip, 20 motobaıker, 30 velosıpedshi jáne taqyrypqa saı bezendirilgen eki avtobýsqa ońtústik óńirdiń óner men sport juldyzdary minip, shahar kóshelerin aralady. Naqtyraq aıtqanda, Báıdibek bı, Rysqulov, Qazbek bı kóshelerimen júrip ótip «Táýelsizdik» saıabaǵyna kelip toqtady.  Olardy saıabaqta óńirdiń basshylary men qala ákimi, zııaly qaýym ókilderi kútip aldy. Merekelik shara sońy kontserttik baǵdarlamaǵa ulasty.