OQO-da oqýshylar ustazynyń ústinen oblys prokýroryna shaǵymdandy
Maqtaral aýdanyna qarasty Sátpaev orta mektebinde oqıtyn jasóspirimder Sábıt esimdi dene shynyqtyrý pániniń muǵalimin oqýshylardy oqytýdyń ornyna taıaqtyń astyna alatynyn aıtypty.
«Atakent kentindegi Sátpaev mektebiniń oqýshylarynan hat. Bizdiń sizge hat jazýymyzdyń sebebi, dene shynyqtyrý pániniń Sábıt esimdi muǵalimi bizge bilim berýdiń ornyna bizdi qınaıdy, biz onyń bokshy ekenin túsinemiz, biraq biz onyń uryp soǵatyn qap emespiz ǵoı. Biz onyń uryp soqqanynan ábden sharshadyq. Kúni keshe ǵana 9 synyptyń oqýshysy sonyń soqqysynan basynan jaraqat alyp, emhanaǵa bardy», - dep jazylǵan aryzda.
Osy máselege oraı Maqtaral aýdandyq prokýratýrasynyń qyzmetkerleri aýdandyq bilim bólimine tekserý qajettigi tapsyrma berilgenin habarlady. Sondaı-aq qadaǵalaýshy organ ókilderi búgingi kúnnen bastap ózderi de oqýshylarmen jolyǵyp, máseleniń jan-jaqty anyqtalatynyn málimdedi.