OQO-da oqýshylar tóbelesip, 17 jastaǵy jasópirim qaza boldy
ShYMKENT. QazAqparat - Ońtústik Qazaqstan oblysynda oqýshylar jappaı tóbelesip, bir-birimen atysqan. Sonyń saldarynan 17 jastaǵy jasópirim baqılyq boldy. Bul týraly Saıram aýdandyq sotynda ótken baspasóz máslıhatynda aıtyldy, dep habarlaıdy «QazAqparat HAA tilshisi.
Saıram aýdandyq sotynyń bergen málmetinshe, qaıǵyly oqıǵa eki aı buryn bolǵan. Saıram aýdanyndaǵy Qutarys pen Oımaýyt aýyldarynyń jasóspirimderi áleýmettik jelilerde sózge kelip, ony sheshý úshin kezdesýge kelisedi. Belgilengen kúni árqaısysy 20 baladan turatyn top aıtylǵan jerge keledi. Sol kezde 17 jastaǵy bala ańshy myltyǵynan ekinshi tarapqa oq atqan. Sonyń saldarynan eki jasóspirim jaraqat alǵan. Osydan keıin záresi qalmaǵandar oqıǵa ornynan qashyp ketken. Oq tıip, jaraqat alǵandar aýrýhanaǵa jetkizildi. Bireýiniń jaraqaty jeńil bolsa, ekinshisi til tartpaı ketti. Osy derek boıynsha qylmystyq is qozǵalyp, 17 jastaǵy jasóspirim basty kúdikti retinde qamaýǵa alynǵan.
«Kúdiktige denege aýyr jaraqat salyp, kisi óltirý áreketi boıynsha aıyp taǵyldy. Qasynda bolǵan ózge jasóspirimder de «buzaqylyq» babymen aıyptalýda. Sot sanktsııa taǵaıyndady. Qazir tergeý amaldary júrgizilýde»,-deıdi Saıram aýdandyq sotynyń tergeý jónindegi sýdıasy Saltanat Qabylova.
