OQO-da oblystyq óner festıvaliniń jeńimpazdary anyqtaldy
ShYMKENT. QazAqparat - Ońtústik Qazaqstan oblysynda «Nurly jol-bolashaqqa bastar jol» atty oblystyq óner festıvali máresine jetti. Óńirdiń mádenıet basqarmasy men mádenıet jáne halyq shyǵarmashylyǵy ortalyǵynyń uıymdastyrýymen ótken sharada úzdik aýyldyq klýbtar anyqtaldy, dep habarlaıdy QazAqparat tilshisi.
Aýyldyq jerlerdegi mádenıet úıleri men klýbtardyń mádenı ahýalyn jáne úıirme jumystarynyń deńgeıin baǵalaýǵa jáne ondaǵy jumys sapasyn arttyrý maqsatynda uıymdastyrylǵan baıqaýda halyq shyǵarmashylyǵyn damytý, aýyldyq klýbtar janynan qurylǵan kórkemónerpaz ujymdaryna qoldaý kórsetý kózdelgen bolatyn.
Osy maqsatta sáýir aıynan beri qazylar alqasy árbir qala-aýdandardaǵy mádenıet oshaqtaryn aralap shyqty. Jergilikti jerlerdegi mədenı oryndardyń tynys-tirshiligi men jetistikterimen tanysty. Festıval barysynda sondaı-aq klýbtardyń ishki - syrtqy bezendirilýi, tazalyǵy, kógaldandyrylýy, úıirmege qatysýshylar da sarapqa salyndy. Qolóner sheberleri men sýretshiler kórmesi jáne jergilikti jerdiń daryndary men kórkemónerpaz ujymdarynyń qatysýymen kontserttik baǵdarlamalar da usynyldy.
Qazylar alqasynyń sheshimimen bas júldege Otyrar aýdanyndaǵy Otyrar aýyldyq klýby laıyq dep tanyldy. Júldeli birinshi orynǵa Tólebı aýdanyndaǵy Mədenı aýyldyq klýby ıe bolsa, ekinshi orynmen Túlkibas aýdanynyń Jabaǵyly aýyldyq klýby jəne Bəıdibek aýdanyndaǵy Ekpindi aýyldyq klýbtary marapattaldy.
Úshinshi oryn Kentaý qalasynyń Aşysaı aýyldyq klýby men Ordabasy aýdanyndaǵy Qaraspan aýyldyq klýbyna berildi. Sonymen qatar, oblystyq mədenıet basqarmasynyń arnaıy júldesimen Shymkent qalasynyń Qyzyljar aýyldyq mədenıet úıi marapattalsa, «Týǵan jer-altyn besigim» atalymyn Sozaq aýdanyndaǵy Jartytóbe aýyldyq klýby jeńip aldy.
«Məńgilik el» atalymy Saryaǵash aýdanynyń Əlimtaý aýyldyq klýbyna, «Nurly jol-bolashaqqa bastar jol» atalymy Qazyǵurt aýdanynyń Turbat aýyldyq klýbyna tapsyryldy.
Jeńimpazdarǵa oblystyq mədenıet basqarmasynyń arnaıy alǵys haty jəne qarjylaı syılyqtar berildi.
