OQO-da oblys ákiminiń júldesine arnalǵan respýblıkalyq «Jaıdarman» KTK oıyndary ótti
ShYMKENT. QazAqparat - Shymkentte dástúrli respýblıkalyq «Jaıdarman» kóńildi tapqyrlar klýbynyń oıyndary ótti. Ońtústik Qazaqstan oblysy ákiminiń júldesine arnalǵan sharanyń maqsaty -Elbasynyń «Bolashaqqa baǵdar: rýhanı jańǵyrý» atty maqalasyn jastar arasynda keńinen nasıhattaý men talanatty jastarǵa qoldaý bildirý boldy, dep habarlaıdy QazAqparat HAA tilshisi.
Ádemi ázil men tapqyrlyqtyń tyń úlgisin kórsetken oıynǵa Almaty, Taldyqorǵan, Qyzylorda, Arqalyq qalalary men Ońtústik Qazaqstan oblysynyń úzdik komandalary qatysty.
Saıys qortyndysynda kórermenderdi kúlkige batyryp, qazylar alqasynyń kóńilinen shyqqan Ońtústik Qazaqstan oblysynyń «Baıdyń balalary» komandasy bas júldeni ıelendi. Olarǵa 300 myń teńge kóleminde syılyq berildi. Ekinshi oryn Qyzylorda oblysynan kelgen quramaǵa buıyrdy. Syr eliniń komandasyna 200 myń teńge kóleminde aqshalaı syılyq tabys etilse, úzdik úshtikten kóringen Shymkent qalasynyń «Alaqaı-Balaqaı» komandasy 100 myń teńgelik arnaıy sertıfıkatpen marapattaldy.
Aıta keteıik, búginde Ońtústik Qazaqstan oblysy jastarynyń sany jaǵynan elimizde kósh bastap tur. Naqtyraq aıtsaq, kúngeıdegi jastardyń sany 800 myńnan asady.
