OQO-da nysandardy terrorızmge qarsy daıyndamaǵandar 13 mln teńge aıyppul tóleıdi

ShYMKENT. QazAqparat - Ońtústik Qazaqstan oblysynda tártip saqshylarymen terrorıstik turǵyda osal obektilerdiń ınjenerlik - tehnıkalyq bekinisi boıynsha 200 asa nysanda tekserý sharalary júrgizildi. Reıd barysynda terrorızmge qarsy qorǵalýy qamtamasyz etilmegen 50-ge tarta nysan anyqtaldy, dep habarlaıdy QazAqparat HAA tilshisi.

Mundaı tekserýler elimizdiń «Terrorızmge qarsy is-qımyl týraly»   1999 jylǵy 13 shildedegi Zańynyń 10-3 babynyń talaptaryna sáıkes jáne Úkimettiń  2015 jylǵy 03 sáýirdegi «Terrorıstik turǵydan osal obektilerdiń terrorızmge qarsy qorǵalý júıesine qoıylatyn talaptardy bekitý týraly» Qaýlysy negizinde júrgizilgen bolatyn. Nátıjesinde halyqtyń kóp shoǵyrlanatyn oryndarynda atalǵan baǵytta túrli kemshilikterge jol bergen  48 nysan basshysyna ákimshilik hattama toltyrylyp, jınaqtalǵan qujattamalar zańdy sheshim qabyldaý úshin  sotqa joldanǵan.

Qazirgi tańda, terrorıstik turǵydan osal obektilerdiń terrorızmge qarsy qorǵalýyn,  qaýipsizdiginiń tıisti deńgeıin saqtaý jónindegi mindetterdi oryndamaǵandarǵa 13 mıllıon teńgeden asa ákimshilik aıyppuldar salyndy.