OQO-da «Nurly jol» baǵdarlamasy aıasynda qurylysy júrip jatqan nysandardyń jaı-kúıi talqylandy
ShYMKENT. QazAqparat - Ońtústik Qazaqstan oblysynyń ákimdiginde «Nurly jol» baǵdarlamasy aıasynda qurylysy júrgizilip jatqan nysandardyń jaı-kúıi talqylandy. Oblys ákiminiń birinshi orynbasary Darhan Satybaldynyń tóraǵalyǵymen ótken shtab otyrysyna jaýapty sala mamandary men birqatar aýdan, qala ákimderiniń orynbasarlary qatysty, dep habarlaıdy QazAqparat tilshisi.
Jıyn barysynda sóz alǵan oblystyq qurylys basqarmasynyń basshysy Quttybek Jamashev qurylysy júrgizilip jatqan nysandardyń aǵymdaǵy jaı-kúıin baıandady. Basqarma basshysy aldynǵy shtab otyrystarynda aıtylǵan kemshilikterdi joıý jumystary baıaý iske asyp jatqanyn jetkizdi. Bul rette ol Shymkent qalasy, Saryaǵash, Maqtaral, Qazyǵurt, Saıram, Shardara aýdandarynyń ákimdikteri men qurylys bólimderiniń jumys júrgizý nátıjeleriniń tómen ekenine toqtaldy. Basqarma basshysy olqylyqtardyń oryn alýyna jol bergen aýdan, qala ákimdikteriniń laýazymdy tulǵalaryna tártiptik shara kórý boıynsha usynys jasady.
Munan soń sóz alǵan oblystyq sáýlet-qurylys basqarmasynyń basshysylyǵy 30 tehnıkalyq qadaǵalaýshy mekemeniń ýaqytsha lıtsenzııasy toqtatylǵanyn jáne birneshe merdiger mekemege aıyppul sanktsııalary qoldanylǵanyn málimdedi.
Shtab otyrysyn qorytqan Darhan Amangeldiuly aýdan, qala ákimderi men salaǵa jaýapty basshylarǵa aıtylǵan syn-eskertpelerden tez arada qorytyndy shyǵarýdy tapsyrdy.
