OQO-da «Nur Otan» partııasy oblystyq fılıalynyń kezekten tys HHHІІ konferentsııasy ótti

ShYMKENT. QazAqparat - Shymkentte «Nur Otan» partııasy Ońtústik Qazaqstan oblystyq fılıalynyń  kezekten tys HHHІІ konferentsııasy ótti.  Jıynǵa  oblystyq partııa fılıaly saıası keńes músheleri, oblystyq máslıhat depýtattary, aýdan, qalalardan saılanǵan delegattar, memlekettik organdardyń basshylary jáne BAQ ókilderi qatysty, dep habarlaıdy QazAqparat HAA tilshisi.

Konferentsııada Elbasy N.Á.Nazarbaevtyń «Bolashaqqa baǵdar: rýhanı jańǵyrý» atty maqalasynda kóterilgen ózekti máselelerdi oblys aýmaǵynda júzege asyrý barysy sóz boldy. Jıynda aımaq basshysy, partııa fılıalynyń tóraǵasy Janseıit Túımebaev baıandama jasady.

«Búginde Ońtústik Qazaqstan oblysynda Elbasymyzdyń «Rýhanı jańǵyrý» baǵdarlamasy boıynsha bekitilgen 6 arnaıy jobanyń  ıaǵnı,  «Týǵan jer», «Qasıetti Qazaqstan», «Qazirgi álemdegi Qazaqstan mádenıeti», «100 jańa esim» jobalary júzege asyrylýda. Qazirgi tańda qoǵamda keń talqylanyp otyrǵan latyn qarpine kóshý baǵdarlamasyn halyqqa túsindirý jumystarynyń eń aldyńǵy qatarynda «Nur Otan» partııasy turýy tıis»,- dedi Janseıit Qanseıtuly. 

Jıyn barysynda oblystyq slavıan mádenı ortalyǵynyń  tóraǵasy ıÝrıı Kırıýhın, Ońtústik Qazaqstan oblystyq máslıhatynyń depýtaty Dáýren Ahmetov,  Shymkenttegi №45 mektep gımnazııasynyń dırektory Roza Pak,  «Jas Otan» jastar qanatynyń belsendi múshesi Bekzat Tólebaılar da óz pikirlerin ortaǵa saldy.

Sonymen qatar, konferentsııa baǵdarlamasyna sáıkes, «Nur Otan» partııasynan Ońtústik Qazaqstan oblystyq №11 saılaý okrýgy boıynsha Súleımenov Qaırat Musahanuly, №35 saılaý okrýginen Áshirbaev Baıken Áshirbaıuly, №49 saılaý okrýgy boıynsha Sermanııazov Baqytjan Qapshyqbaıuly, №50 saılaý okrýgi boıynsha Qýatbekova Rabıǵa Ábdimusaqyzy oblystyq máslıhat depýtattyǵyna úmitkerler retinde usynyldy.

Konferentsııa jumysyn qorytyndylaǵan oblys ákimi, «Nur Otan» partııasy  oblystyq fılıalynyń tóraǵasy Janseıit Túımebaev partııa aktıvine aldaǵy atqarylatyn jumystar boıynsha birqatar tapsyrmalar berip, júktelgen mindetter men tapsyrmalar óz merziminde ári sapaly oryndalýyna senim bildirdi. Májilis qorytyndysy boıynsha arnaıy qarar qabyldandy.