OQO-da Naýryz meıramy aıasynda jas kelinder baıqaýy ótti

  ShYMKENT. QazAqparat - Ońtústik Qazaqstanda Naýryz meıramy aıasynda jas kelinder baıqaýy ótti. Ulttyq salt-dástúrdi dáripteıtin saıys besik jyryn nasıhattaýǵa baǵyttaldy. Igi sharany oblystyq jasóspirimder kitaphanasy men ádet-ǵuryp jáne salt-dástúr ortalyǵy birlesip uıymdastyrdy, dep habarlaıdy QazAqparat HAA tilshisi.

Bıyl ekinshi ret uıymdastyrylyp otyrǵan sharaǵa aýdan, qalalardan kelgen 14 jas kelin qatysty. Olar 4 kezeń boıynsha synǵa túsip, umyt qalyp bara jatqan besik jyryn oryndady. Baıqaýdyń sharty boıynsha kelinder salt-dástúrge qatysty saýaldarǵa jaýap berip, óz ónerlerin kórsetti. Uıymdastyrýshylardyń sózinshe, bul shara januıadaǵy ata-ene, kelin, qaıynsińli, qaıyn arasyndaǵy qarym-qatynasty nyǵaıtý men qazaq kelininiń otbasyndaǵy ornyn uǵyndyrý maqsatynda ótkizilip keledi.

 

«Baýyrjan Momyshuly kezinde «úsh nárseden qorqamyn. Sonyń ishinde osy besik jyryn aıtpaıtyn analardan qorqamyn» degen. Sondyqtan besik jyryn árbir ana bilip, tal besikten balalaryn tárbıelese, urpaǵymyz sanaly bolyp ósedi dep oılaımyn»,- deıdi oblystyq jasóspirimder kitaphanasynyń dırektory Gúlmıra Janysbekova.

Saıys qortyndysy boıynsha qazyǵurttyq  Gaýhar Qalmahanova bas júldeni  jeńip alsa, «Ónerli kelin» nomınatsııasynda Altynaı Musaǵalıeva marapattaldy.