OQO-da «Ən terbegen Saryaǵash» atty án baıqaýy ótti
ShYMKENT. QazAqparat - Ońtústik Qazaqstan oblysy, Saryaǵash aýdanynda «Ən terbegen Saryaǵash» atty oblystyq kompozıtorlar arasyndaǵy baıqaý ótti. Aıtýly sharada aýdan-qalalardan 15 sazgerdiń ənderi oryndalyp, jyldyń úzdik əni anyqtaldy, dep habarlaıdy QazAqparat tilshisi.
Saıaly Saryaǵash óńirin dáripteýge arnalǵan baıqaý eki jyl saıyn dəstúrli túrde uıymdastyrylyp keledi. Búginge deıin atalǵan aýdan jaıynda 80-ge jýyq ənder qory jınaqtalsa, bıylǵy jylǵy olardyń qatary 15 jańa ənmen tolyqty.
«Án terbegen Saryaǵash» oblystyq kompozıtorlar baıqaýynda bas júldege Shardara qalasynyń sazgeri Aǵabek Donbaev «Saryaǵashym-saǵynyshym» ánimen laıyq dep tanyldy. Birinshi orynǵa jergilikti sazger Meırambek Tuıaqbaev «Saryǵashym meniń» ánimen ıe bolsa, ekinshi oryn shymkenttik sazger Muhıt Qasqyrbaevqa «Saıaly Saryaǵashym» áni úshin berildi. Sonymen qatar, úshinshi oryndy Shymkent qalasynyń kompozıtory Aıjigit Asanov «Saryaǵashym-jyr ánim» jáne túlkibastyq Muhamedjan Edigeev «Saryǵashym-ánim» ánimen ıemdendi. Saryaǵash aýdany ákiminiń arnaıy júldesimen Arys qalasynan Shahızında Álimbetov «Saryaǵashym» jáne Ońtústik Qazaqstan oblysy mádenıet basqarmasynyń arnaıy júldesimen Saryaǵash aýdanynan Ábdimálik Tastemirov «Saryaǵashym» ánderimen marapattaldy.
Jeńimpazdar men qatysýshylarǵa aýdan ákiminiń arnaıy Alǵys haty jáne aqshalaı syılyqtar tabystaldy.
