OQO-da múmkindigi shekteýli jandar jarys alańyna shyqty
ShYMKENT. QazAqparat - Ońtústik Qazaqstan oblysynda múmkindigi shekteýli jandar jarys alańyna shyqty. Shardara aýdanynda uıymdastyrylǵan shara jany jabyrqaý jandardyń qoǵamǵa qajet ekenin uqtyryp, olarǵa rýhanı dem berý maqsatynda uıymdastyryldy, dep habarlaıdy QazAqparat HAA tilshisi.
Bul jolǵy saıysta erekshe sportshylar shtangini jatyp syǵymdaý men qol kúresten, shahmat pen toǵyzqumalaqtan, doıby sekildi oıyn túrlerinen synǵa tústi. Jigitter men qyzdar densaýlyqtarynda aqaý bolsa da, on eki múshesin saý adamnan artyq qozǵaldy. Ziltemir kótergende, qol kúrestirgende tánti bolmaǵan jankúıer joq. Sportshylar qol kúresten uıymdastyrylǵan jarysqa da belsene qatysty. Saıys sońynda jeńimpazdar marapattalyp, olarǵa estelik syılyqtar men arnaıy gramotalar tabys etildi.
Aıta keteıik, aýdanda arnaıy kútimdi qajet etetin 2 600-den asa jan turady. Onyń 800-i - tósekke tańylǵandar. Olardyń arasynda 22 jas múmkindiginiń shekteýliligine qaramastan sport mektebine kelip, densaýlyǵyn shynyqtyryp turady.
