OQO-da múmkindigi shekteýli jandar arasynda el chempıonaty bastaldy
ShYMKENT. QazAqparat - Shymkentte tirek-qımyl múshesi zaqymdalǵan jáne kózi nashar kóretin jáne zaǵıp sportshylar arasynda jeńil atletıkadan QR Chempıonaty bastaldy. Bul týraly oblys ákiminiń baspasóz qyzmeti habarlady.
Elimizdiń 13 oblys, qalasynan sportshylar qatysqan sharada úmitkerler ıadro laqtyrý, dısk laqtyrý, naıza laqtyrý sport túrleri boıynsha synǵa túsýde. Sonymen qatar, múmkindigi shekteýli sportshylar 100 m, 200 m, 400 m, 800 m, 1500 metrge júgirýden de baqtaryn synap jatyr.
El chempıonaty mamyr aıynyń 23-nde qorytyndylanady.
